सकारात्मक सोच ही सफलता की कुंजी है -Must Read

Hello friends aaj ki ye story 20 saal ki Archana ki hai. Bachpan se uski hobby thi ek behtar dancer banna but zindagi me utaar chadhaaw ke baad uske sare sapne adhure se lagne lage the lekin uski will power aur passion ne kuch aisa kar dikhaya jiski jarurat aaj waise sabhi logon ko hai jo apni zindagi se compromise kar baith jate hai. Aise logon ko mai recommend karunga is article ko fully read kare kyu ki ye 5 minute aapko apki zindagi ka sabse important lesson sikha sakti hai.


Success Tips


Archana jab 7 saal ki thi tab use Dancing ka craze hua aur wo dance ko hi apna sab kuch samajh baithi thi , uski har ek soch me sirf ek hi chiz thi aur wo hai dance . Fir wo Kisi acche dance ki classes ko join kar li aur jyada se jyada waqt practice me dene lagi. Dhire - Dhire waqt ke sath uski dancing me sudhaar hua . Jo bhi uski dance ko ek baar dekh leta uski taarif karte naa thakta tha. Aisi taarif se archna ko himmat aur ek aisi khusi milti thi jise kewal wo hi feel kar sakti thi.


Jab Archna 12 saal ki hui tab wo apne school aur sabhi dance competition me participate karne lagi. Har competition me wo behtar karti aur koi na koi prize jarur jeet leti thi. Ye silsila isi tarah chalta raha aur wo ab 15 saal ki ho gayi thi ab to archna ki dance me kaafi sudhaar ho chuka tha. Ab to har koi unki dance ka deewana ban jata tha. Archana ko ab uske sapne pure hote hue dikhne lage the but use kya pata zindagi itni bhi aasaan nahi hoti.


3 saal baad jab wo 18 saal ki hui tab wo ek college ke dance competition me participate ki but unfortunately archana ki legs fracture ho gya dance ke dauran fir use 6 month bed rest ka advice mila doctor se . Ab pal bhar me uske saare sapne adhuri  ho gayi thi . Kal tak use sab kuch aasan sa dikh raha tha magar ab wohi sab bahut mushkil dikhne laga . Aisa bhi hota hai zindagi me aur ye zindagi itni aasan nahi hoti hai.


But Archana strong will power wali ladki thi wo khub janti thi in sab se fight kar ke kaise apne sapne ko pura karna hai. After 6 month wo dance ki practice ko karna suru kar di , sabse pehle wo daily sirf 10 minute ki practice karti thi. Fir 2 mahine baad 30 minute karne lagi fir kuch mahino ke baad se daily 1 hour ki practice karne lagi ab use koi taklif bhi nahi hoti thi aisa use feel hi nahi hota tha ki uski legs kabhi fracture bhi hui thi.


Ab wo 20 saal ki ho chuki hai aur jis tarah se wo pehle dance kar ke logon ka dil jeet liya karti thi abhi bhi wo ye kamaal karte rehti hai. Usne  apni zindagi me haar nahi maani aur koi compromise bhi nahi ki kyu ki use pata tha zindagi itni bhi easy nahi hoti. Finally wo sab ke liye ek misaal ban chuki hai . Agar aap bhi apne adhure sapne ko pura karna chahte ho to apke paas bhi archana ki tarah strong will power aur passion honi chahiye.


Previous
Next Post »

Please don't use wrong words on comment. ConversionConversion EmoticonEmoticon